Skandale dhe shkarkime çfarë po ndodh me policinë? Ishte kjo tema e sotme e emisionit “Top Story: në Top Chanel të moderatores Gdira Duma. Teksa diskutohej në studio për emrin e ri që pritet të pasojë Muhamet Rrumbullakun dhe kur moderatorja Duma nxori listën e ish-drejtorëve duke pyetur kush prej tyre ka qenë profesional dhe me integritet, eksperti i kriminalistikës, profesor Ervin Karamuço tha se njëri prej tyre që meriton respekt dhe falënderim për punën e bërë është edhe Ahmet Prençi ish Drejtori i Përgjithshëm i Policisë së Shtetit në mars 2007- tetor 2009.
“Një emër që i bëri nder Policisë së Shtetit me profesionalizmin dhe integritetin e tij është Ahmet Prençi. Nuk e kam njohur atëherë, por kam konstatuar që pas ikjes së tij gëzon respektin maksimal e çdo uniforma blu dhe kjo është shumë domethënëse për një drejtues. Zoti Prençi ka qeverisur ndershëm dhe madje ka dashur ta lë postin për një tradhti që i ka ndodhur brenda radhëve” tha Karamuço.
