Ministrja e Shëndetësisë dhe Mbrojtjes Sociale, Albana Koçiu deklaroi sot se shërbimi shëndetësor në destinacionet turistike ishte një tjetër sukses i këtij sezoni për Shqipërinë.
Ajo njofton se për sezonin turistik veror, 34 Qendra Shëndetësore Verore kanë ofruar shërbim shëndetësor 24 orë në 7 ditë të javës pranë zonave më të frekuentuara turistike të shpërndara gjeografikisht në të gjithë Shqipërinë.
Ndër të tjera, Koçiu bëri të ditur se nga 1 qershori deri më 30 shtator, 34 qendra shëndetësore verore realizuan 80,765 vizita mjekësore, ku 32% u kryen për shtetas të huaj.
“Nga 1 qershori deri më 30 shtator, 34 qendra shëndetësore verore realizuan 80,765 vizita mjekësore, ku 32% u kryen për shtetas të huaj. Shërbimi shëndetësor në destinacionet turistike ishte një tjetër sukses i këtij sezoni fantastik për Shqipërinë”, shkruan Koçiu.
