Kreu i PD, Sali Berisha hodhi akuza të forta në drejtim të kryeministrit Edi Rama dhe mazhorancës.
Gjatë një interviste për “Quo Vadis”, Berisha theksoi se në përgjimet e Encro Chat kanë dalë emra të zyrtarëve më të alrtë të vendit që bisedojnë me krimin e akuzuar.
Gjithashtu Berisha ka folur dhe për fatin e Ervis Martinajt, ku deklaroi se e kanë vrarë, duke drejtuar gishtin nga kreu i qeverisë, që sipas tij ka porositur vrasjen e Martinajt.
Berisha: Vetëm maja e ajsbergut ka dalë dhe del se Taulant Balla, Edi Rama janë të lidhur me vrasës, me trafikantë, akuzohen për vrasje, për porosi vrasjes, për trafiqe. Është jetike që të zbardhet e vërteta e lidhjes së politikës me krimin.
Ju e patë publikimin e fundit të gazetarit Elton Qyno, i cili faktonte nga bisedat e bëra midis bandave se porositësi i vrasjes së Ervis Martinajt ishte vetë Rama. “E ke politike”, i thoshte Bajraj Ervis Martinajt dhe ky i thoshte se “partia jote po më dënon. Pasi Rama e paralajmëroi se ta dimë targën dhe ta do merrem personalisht, Rama angazhoi policinë mbase si ekzekutorë, mbase kanë qenë banditë. Ai u nda në fund me një oficer politie. Kemi të bëjmë me një vrasje shtetërore, ekstraligjore, ekstrakushtetuese.
