Bajerni i Mynihut ka marrë një humbje të thellë mbrëmjen e sotme, teksa janë mposhtur 4-1 nga Barcelona në Ligën e Kampionëve. Trajneri i bavarezëve ka deklaruar në konferencën për shtyp pas ndeshjes se një humbje e tillë nuk është një surprizë, pasi Barça është një nga ekipet më të mira në Europë.
“Përgëzime për Barçën. Është një nga skuadrat më të mira në Europë, kështu që nuk është një surprizë. Këto janë ndeshjet që ne duam t’i fitojmë dhe të tregojmë versionin më të mirë të Bajernit. Duhet të mësojmë nga kjo (humbje) për të treguar një nivel më të mirë në Bundesligë dhe të rikthehemi në nivelin tonë më të mirë në Ligën e Kampionëve”, ka deklaruar Vinsent Kompani.
