Ekuipazhet po vazhdojnë kërkimet për trupa në makina dhe ndërtesa të bllokuara pas përmbytjeve në Spanjë.
Përmbytjet kanë marrë të paktën 158 jetë, me 155 vdekje të konfirmuara vetëm në rajonin lindor të Valencias.
Por një numër i panjohur njerëzish janë ende të zhdukur dhe viktima të tjera mund të gjenden.
“Fatkeqësisht, ka njerëz të vdekur brenda disa automjeteve,” tha ministri spanjoll i transportit, Oscar Puente.
Ndërsa vuajtjet më të mëdha u shkaktuan në rajonet afër qytetit të Valencias, stuhitë shpërthyen tërbimin e tyre edhe mbi pjesë të mëdha të bregdetit jugor dhe lindor të gadishullit Iberik.
Dy viktima u konfirmuan në rajonin fqinj Castilla La Mancha dhe një në Andaluzinë jugore.
Spanja ka vuajtur nga një thatësirë pothuajse dyvjeçare, që do të thotë se kur ndodhi përmbytja, toka ishte aq e fortë sa nuk mund të thithte shiun, duke çuar në përmbytje të shpejta.
Një alarm i kuq i motit është lëshuar për provincën spanjolle të Huelva. Aemet, agjencia spanjolle e motit, raportoi shira të rrëmbyeshëm në qytete si Cartaya, me 117 litra për metër katror në më pak se tre orë.
⚠️AVISO ROJO | Provincia de Huelva.
⛈️Se están registrando lluvias torrenciales en localidades como Cartaya, con 117 l/m² en menos de tres horas. 70 de ellos en solo una hora. El aviso sigue activo, por ahora, hasta las 9:00
La #dana va a seguir provocando hoy tiempo adverso. pic.twitter.com/9fbyOAdTII
— AEMET (@AEMET_Esp) November 1, 2024
