Sabah Sheta, Kryetar i Degës së Demokratëve Euroatlantikë në Krujë, ka reaguar për situatën pas tërmetit të vitit 2019, duke theksuar vështirësitë që po përjetojnë edhe pas 5 vitesh që kur ra ky tërmet.
Ai tha se, edhe pse janë ndërtuar pallatet dhe janë rregulluar shtëpitë, shumë familje ende nuk janë vendosur në ato banesa. Sheta kritikoi qeverinë për dështimin në realizimin e premtimeve për shpërndarjen e çelësave dhe bonusin e qerasë, që sipas tij ka munguar për dy vjet.
Ai shprehet se është e papranueshme që qytetarët të jenë pa strehë ndërkohë që shtëpitë janë të gatshme. Më tej Sheta akuzon qeverinë se do t’i shfrytëzojë hyrjet për qëllime elektorale në vitin 2025.
Reagimi i kryetarit të degës të Demokratëve Euroatlantikë në Krujë, Sabah Sheta:
Në radhë të parë dua të përshëndes familjet e të gjithë atyre njerëzve që humbën jetën, t’i ngushëlloj, se vetëm ngushëllimi na ka mbetur neve dhe t’i uroj më të mirat në jetë. Tani, ka 5 vite që ra ky tërmet për të keqen e këtyre njerëzve, për hallet e tyre që kishin dhe ky ishte një hall më vete. Qeveria e mori një angazhim që për dy vite, për tre vite maksimumi, duhet të futen nëpër shtëpia. Kemi në Krujë shumë familje që kanë dy vite që nuk marrin bonus qeraje dhe as në shtëpi nuk futen. Ka 6-7 muaj që janë ndërtuar pallatet, ka ardhur dhe kryeministri vet i ka inaguruar dhe akoma vazhdon po e njëjta histori. Biles atë ditë ishin njerëzit që kërkonin çelësat. Meqë u ndërtuan, u rregulluan, i kërkonin çelësat që të hynin brenda, janë në hall. Njerëzit nuk e dinë se çfarë bën qeveria, njerëzit nuk e kuptojnë se qeveria po puno për 2025-ës që t’i mashtrojë prapë për fushatë. Por të paktën këta qeveritarë të mendojnë diçka njerëzore. A kanë shpirt, a kanë familje vet, a e ndjejnë ndonjëherë që t’i lësh njerëzit pa shtëpi kur shtëpia është e rregulluar. Shtëpitë janë të rregulluara ka 6, 7 muaj, pse nuk i fusin brenda? Apo po presin që të vijnë zgjedhjet e 2025-ës.
Kanë dy vite që këta nuk marrin bonus qeraje. Dhe mirë që nuk marrin bonus qeraje. Sepse edhe këto bonuset e qerasë jepen nga taksat tona, nuk jepen nga paret e shtetit. Se ata shtetarë dinë vetëm me vjedh, nuk dinë të japin ndonjëherë. Prandaj këto janë taksat e këtyre njerëzve prap. Ka 6 muaj që kanë mbaruar pallatet dhe këto 6 muaj u kanë hequr edhe bonusin.
Ka vetëm 2-3 pallate që nuk janë përfunduar, por pjesa më e madhe janë të përfunduar. Këta që janë të përfunduar familjet duhejt të ishin futur brenda. Se erdhi me një hov të madh kryeministri, i inaguroi. Dakord, jemi shumë dakord që u bënë populli ka për t’i paguajtur prapë. Rëndësi ka që u mbaru gjëja, futi brenda. Dhe ne nuk dimë akoma, nuk kemi një listë që a janë përfitues të gjithë ata banorë, se dëgjoj fjalë që kanë ngel disa banorë pa shtëpi. Ne nuk kemi një listë, pra të shpërndahet një listë nga bashkia duke sqaruar që janë kaq familje që janë dëmtuar dhe janë bërë kaq hyrje pallatesh. A plotësohen të gjitha familjet apo nuk plotësohen. Se mund të na dali një tjetër problem nesër, mund të na ngelin njerëzit edhe pa shtëpia. Prandaj unë i bëj thirrje të nxjerrin listën. Se unë komunikoj dhe me njerëzit dhe disa kanë frikë se mund t’i lënë pa shtëpi. Thu se ata i kanë shtëpiat e veta, i kanë privati, i kanë sikur i japin nga xhepi i vet, nga familja e vet. Prandaj unë i bëj thirrje shtetit të marrë masat sa më shpejt të fus njerëzit në shtëpi. Më shumë ua kërkoj njerëzisht.
