Policia në Nju Jork ka publikuar dy foto të autorit të dyshuar të vrasjes së ish-shefit ekzekutiv të UnitedHealthcare, Brian Thompson.
50-vjeçari u qëllua për vdekje pas shpine mëngjesin e së mërkurës jashtë hotelit Hilton në Midtown Manhattan.
Policia dyshon se viktima ishte në shënjestër e vrasjeje të planifikuar paraprakisht.
Hetuesit po përdorin gjithashtu teknologjinë e njohjes së fytyrës dhe gëzhoja plumbash me mesazhe të fshehta të shkruara në to për të gjetur të dyshuarin. Ndërsa ende nuk dihet motivi i krimit të rëndë.
Ngjarja ndodhi rreth orës lokale 06:45 në një pjesë të frekuentuar të Manhatanit, afër Times Square dhe Central Park. Thompson kishte planifikuar të fliste në një konferencë më vonë gjatë ditës.
Sipas policisë, i dyshuari, i cili mbante një maskë të zezë në fytyrë dhe xhaketë ngjyrë kafe. Ai raportohet se ka pritur Thompson për pesë minuta jashtë hotelit Hilton ku pritej të zhvillohej konferenca.
Viktima, i cili mbërriti në këmbë, u qëllua në shpinë dhe në këmbë nga autori i krimit.
Në kamerat e sigurisë, shihet vrasësi ka përdorur një pistoletë me silenciator.
Hetuesit thuhet se besojnë se arma e zjarrit është një BT Station Six 9, një nga pistoletat e përdorura nga forcat e operacioneve speciale aleate të epokës së Luftës së Dytë Botërore.
Policia ka shkuar në dyqanet e armëve në Connecticut për të provuar se ku është blerë pistoleta.
