Policia në Korenë e Jugut ka bastisur zyrën presidenciale në Seul, pas përpjekjes së dështuar të Yoon Suk Yeol për të vendosur ligjin ushtarak javën e kaluar.
Bastisjet janë zhvillimi më i fundit gjatë javës së trazuar në politikën e Koresë së Jugut.
Presidenti Yoon, i cili ka qëndruar në detyrë pavarësisht një votimi për shkarkim dhe thirrjeve të shumta që ai të largohej, po përballet me hetime të shumta me akuza për kryengritje dhe tradhti.
Ndërkohë, ish-ministri i mbrojtjes i vendit, Kim Yong-hyun, i cili mori përgjegjësinë për shpalljen e ligjit ushtarak, tentoi vetëvrasje ndërsa ishte në paraburgim të martën mbrëma, tha një zyrtar.
Mësohet se Kim, i cili u arrestua të dielën, nuk ka problme shëndetësore. Shumë zyrtarë të afërt me Yoon kanë dhënë gjithashtu dorëheqjen pas shpalljes jetëshkurtër të ligjit ushtarak. Vendi tani është në një gjendje të fluksit politik.
Ligjvënësit e partisë në pushtet u bashkuan për të bojkotuar një votim për shkarkimin e Yoon si president pasi ai ra dakord të shkurtonte mandatin e tij dhe të mos përfshihej në çështjet e jashtme dhe të brendshme.
Megjithatë, Partia Demokratike e opozitës, e cila komandon një shumicë në parlament e ka kritikuar marrëveshjen, me drejtuesen e katit Park Chan-dae duke e quajtur atë “një kryengritje të dytë të paligjshme, antikushtetuese dhe një grusht shteti të dytë”.
