UEFA vendosi që të mos tolerojë më Serbinë, teksa vetëm disa orë para shortit të shumëpritur të kualifikueseve të Botërorit, dënoi këtë kombëtare. Insititucioni më i lartë i futbollit në Europë bëri me dije nëpërmjet një komunikate se Serbia, për shkak të thirrjeve raciste dhe diskriminuese në takimet kundër Zvicrës më 15 nëntor dhe ndaj Danimarkës në Nations League, është e detyruar që të luajë dy ndeshjet e radhës në transfertë pa tifozë.
Kështu, pas publikimit të kalendarit të ndeshjeve kualifikueseve të Botërorit, si për ironi të fatit, rastisi që Serbia do ta nisë rrugëtimin e saj kundër Shqipërisë në stadiumin “Arena Kombëtare”, çka do të thotë se në Tiranë do të jetë pa tifozë
Natyrisht, lajmi ka bërë bujë edhe në Serbi. “UEFA e vendosur, Shqiponjat pa mbështetje ndaj Shqipërisë!”- shkruhet në titullin e artikullit të Kurir.
