Nga Shpëtim Axhami
Në prag të festave të fundvitit, rritja e vazhdueshme e çmimeve ka përkeqësuar ndjeshëm situatën ekonomike të shumë familjeve në nevojë. Kjo gjendje ka shtuar presionin mbi shtresat më të prekura të shoqërisë, përfshirë familjet me ndihmë ekonomike, pensionistët, mësuesit, mjekët, punonjësit e policisë dhe grupe të tjera vulnerabël.
Përballë kësaj situate, është detyrim i qeverisë të ndërmarrë masa konkrete për të mbështetur këto shtresa, duke iu mundësuar të festojnë dinjitetshëm, pavarësisht sfidave ekonomike. Shpërblimet e fundvitit duhet të përfshijnë një shpërndarje të drejtë dhe të barabartë për të gjithë ata që kanë më shumë nevojë, duke përfshirë edhe ish-të burgosurit politikë, si një akt simbolik dhe solidariteti në këtë periudhë të rëndësishme.
