Gruaja e diktatorit sirian Asma al-Assad, e cila ka marrë azil në Rusi pas rënies së regjimit është në gjendje kritike për jetën, sipas burimeve pranë familjes së saj, të cituar nga gazeta britanike Telegraph.
Pas përmbysjes së të shoqit, i cili prej 13 vitesh ishte diktator i Sirisë, familja Asad u nis për në Moskë. Asma al-Assad është në një situatë të keqe, siç theksojnë të njëjtat burime, të cilët flasin në kushte anonimiteti.
“Ajo ka 50% mundësi për të jetuar”, thonë njerëzit pranë familjes së saj.
Majin e kaluar, sipas një njoftimi të presidencës siriane, 49-vjeçarja Asma iu nënshtrua trajtimit, pasi ishte diagnostikuar me leuçemi mieloide akute, një formë e kancerit qelizor.
Megjithatë, në periudhën 2018-2019 ajo luftoi edhe me kancerin e gjirit, nga i cili u shërua. Megjithëse gjendja e saj shëndetësore dukej se po përmirësohej, javët e fundit shëndeti i saj është përkeqësuar, sipas burimeve pranë familjes Assad.
Shanset e saj për të mbijetuar janë vetëm 50%, sipas mjekëve kurues të ish “zonjës së parë” të Sirisë, sipas gazetës britanike Telegraph.
