Dje, datë 28.12.2024, në Selinë e PD Vlorë, u organizua takimi i konstituimit të Grupit të Punës së Partisë Demokratike për Qarkun Vlorë, si grupi që do e çojë Partinë Demokratike drejt fitores së 11 Majit.
Grupi i Punës është i strukturuar nga një ndërthurje mes brezave, departamenteve, kryetarëve të degëve të PD, ish-deputetë, funksionarë lokalë nga çdo degë, përfaqësues të LDG e FRPD, sikurse ky grup do vazhdojë të jetë i hapur, duke u fuqizuar në vazhdimësinë e fushatës që na paraprin, sikurse çdo degë e PD në qark do ketë të përqendruar anëtarët lokalë të Grupit të Punës.
Në këtë mbledhje të parë të grupit të punës në Vlorë, diskutuam çështje në lidhje me mbarëvajtjen e fushatës së 2025.
Gjatë fjalës, mbajtur para anëtarëve të Grupit të Punës, theksova se Partia Demokratike ngelet partia e alternativës, duke i dhënë tonin rëndësisë që ka prezantimi dhe hartimi i programit të Partisë Demokratike, duke e kthyer në aksionin tonë parësor në fushatën e 2025.
Theksova rëndësinë që ka programi në këtë fushatë, denoncimet që duhet të intensifikohen, sikurse ndërtimi i programit elektoral specifik për Vlorën dhe Qarkun Vlorë.
Gjithashtu, fjalën e shoqërova me disa nga mesazhet e kryetarit të PDSH-së Prof.Dr.Sali Berishës, si udhërrefyes për aksionin elektoral, deri ne fitore.
Diskutuan, duke dhënë mendime, sugjerime, këshilla e propozime konkrete, deputetja e Qarkut Vlorë znj.Ina Zhupa, koordinatori i Rajonit të Jugut z.Arben Qirjako, kryetarët e PD Vlorë, Selenicë, Sarandë, Himarë, Atird Hoxha, Leonard Rakipaj, Manjola Cikuli, Afrovita Dhimojani, ish-deputetët e PD Dashamir Tahiri, Liljana Elmazi; sekretari i PD Sarandë mjeku Ibrahim Barjami, e z.Ilir Kondi. Dhanë mesazhet e tyre të rinjtë Nikola Kedhi, Pranvera Shehaj e Rezenbrik Serjani.
Mbas diskutimeve, u miratua plani i veprimit e aksionit të muajit Janar.
Në këtë takim të parë të Grupit të Punës në Vlorë ishin të pranishëm, Ina Zhupa, Arben Qirjako, Atird Hoxha, Manjola Cikuli, Leonard Rakipaj, Afrovita Dhimojani, Erigers Hamiti, Nada Mecorapaj, Ibrahim Barjami, Liljana Elmazi, Dashamir Tahiri, Eduart Lamaj, Sezai Bazaj, Haxhi Kropishti, Hysni Sharra, Genti Hamzaraj, Ilir Kondi, Matilda Qurku, Alta Haluci, Laureta Çeçi, Nikola Kedhi, Pranvera Shehaj, Mario Runa, Rezenbrik Serjani.
