Një avion i kompanisë i Jeju Air në Korenë e Jugut, i cili mbante 181 persona në bord është rrëzuar duke shkaktuar të paktën 120 të vdekur, me frikën se numri i viktimave do të rritet.
Mediat raportojnë se ngjarja tragjike ndodhi rreth orës 9 të mëngjesit me orën lokale të Koresë së Jugut, kur avioni i Jeju Air bëri një përpjekje të dështuar për t’u ulur në Aeroportin Ndërkombëtar Muan.
Në një përpjekje të dytë, avioni, me 181 persona në bord, doli nga pista dhe u përplas me një mur në aeroport.
Ndërkohë dy anëtarë të ekuipazhit kanë shpëtuar.
Autoritetet po hetojnë shkakun e një prej fatkeqësive më vdekjeprurëse në historinë e aviacionit të Koresë së Jugut.
Goditja e shpendëve është një nga shkaqet e mundshme që po shqyrtohet nga zyrtarët të cilët po shikojnë gjithashtu kushtet e motit në momentin e përplasjes.
