Një aeroplan i “Air Canada” bëri një ulje të frikshme në aeroportin e Halifax-it ndërsa avioni rrëshqiti në pistë dhe mori flakë.
Nuk ka pasur raportime të menjëhershme për ndonjë të lënduar në këtë incident, sipas medias së huaj.
Aeroplani thuhet se i përket PAL Airlines e cila po kryente fluturimin AC2259 të Air Canada midis St. John’s dhe Halifax.
Incidenti vjen vetëm disa orë pasi një Boeing 737 mori flakë në ulje në aeroportin Muan të Koresë së Jugut, duke shkaktuar vdekjen e 179 personave. Vetëm dy pasagjerë i mbijetuan aksidentit.
Videot që pretendohet se janë të incidentit, treguan krahët e avionit duke gërvishtur pistën dhe duke marrë flakë.
Aeroplani Jeju Air mbante 175 pasagjerë dhe gjashtë stjuardesa, thanë raportet, duke cituar agjencinë e lajmeve të Koresë së Jugut Yonhap.
