Administrata Publike Shquiptare në vitin 2025 planifikohet të jetë ‘një ushtri’ prej 86.314 rrogëtarësh, të paguar direkt nga buxheti i shtetit. Kostoja e mbajtjes së tyre është një barrë jo e lehtë vjetore për arkën e shtetit. Sipas relacionit të Buxhetit 2025 ‘Shpenzimet e personelit për vitin 2025, reflektojnë koston aktuale të Administratës Publike, si dhe koston e plotë të politikës së rritjes së pagave (+ 40 miliardë lekë) të nisur në prill të vitit 2023 dhe të finalizuar në korrik të vitit 2024. Shpenzimet totale për pagat në Administratën Publike në nivel qendror për 86,038 punonjës planifikohen në masën 127.6 miliardë lekë ose 4.9% e PBB’. Shifra përbën 15.5 për qind e totalit të shpenzimeve buxhetore prej 822 miliardë lekë.
Vlen të bëhet diferencimi se në këtë shifër nuk janë të përfshirë rrogëtarët e pushtetit vendor si edhe punonjësit e kompanive publike të cilët përbëjnë një numër tjetër të konsiderueshëm të rrogëtarëve të cilët në mënyrë indirekte paguhen po ashtu nga taksat e qytetarëve.
Në ‘ushtrinë’ e 86 mijë punonjësve buxhetorë pjesën më të madhe e zënë ata që janë në varësinë e tre ministrive: ministria e arsimit me gati 31 mijë rrogëtarë, kuptohet pjesa më e madhe janë mësuesit, e dyta ministria e brendshme me 15.7 mijë punonjës, brenda të cilëve përfshihet edhe shqërbimi policor, dhe e treta në radhë është ministria e mbrojtjes me 8.8 mijë të punësuar.
Bazuar në tabelën e punonjësve buxhetorë, pjesë e buxhetit 2025, vihet re se ministria e shëndetësisë, ku përfshihen mjekët e infermierët, ka më pak personel jo vetëm se mbrojtja por edhe në krahasim me ministrinë e drejtësisë. Drejtësia me 5.3 mijë punonjës është shumë më lart se shëndeti me 4.4 mijë punonjës.
Përveç punonjëve që janë direkt në varësi të ministrisë një kosto të lartë taksapaguesit e japin edhe për më shumë se 3500 të punësuarit në institucionet e pavarura të drejtësisë të cilët shërbejnë në Prokurorinë e Përgjithshme, Këshillin e Lartë Gjyqësor, Gjykatën Kushtetuese, Këshillin e Lartë të Prokurorisë, SPAK dhe BKH, Shkollën e Magjistraturës, Kolegjin e Posaçëm të Apelimit dhe në Zyrën e Inspektorit të Lartë të Drejtësisë. Pagat e tyre me reformën në drejtësi janë shumë më të larta se për punonjësit e tjerë të administratës qendrore.
Në vijim tabela e buxhetit për numrin e punonjësve sipas institucioneve qendrore:
Emërtimi i Ministrisë / Institucionit Buxhetor
Numri i Punonjësve
viti 2025
1.Presidenca 93
2.Kuvendi 465
3.Kryeministria 215
5.Ministria e Bujqësisë dhe Zhvillimit Rural 2,560
6.Ministria e Infrastrukturës dhe Energjisë 1,338
10.Ministria e Financave 3,242
11.Ministria e Arsimit dhe Sportit 30,909
12.Ministria e Ekonomisë, Kulturës dhe Inovacionit 4,088
13.Ministria e Shëndetësisë dhe Mbrojtjes Sociale4,414
14.Ministria e Drejtësisë 5,356
15.Ministria e Jashtme (Perf. diplomatike 397) 601
16.Ministria e Brendshme 15,769
17.Ministria e Mbrojtjes 8,854
18.Shërbimi Informativ Shtetëror 998
20.Drejtoria e Përgjithshme e Arkivave 175
