Surprizë pas surprize për Gramosin, ndërsa banori i “Big Brother VIP 4” ka emocionuar me rrëfimin për jetën dhe familjen e tij.
I pyetur se si është të jetosh ëndrrën dhe si po i përjeton momentet brenda shtëpisë më të famshme, Gramosi është shprehur falenderues dhe mirënjohës për mundësinë, duke shtuar se vijon të ketë energji, por duke qenë se nuk e ka gjetur veten në debatet e ashpra të krijuara së fundmi, është munduar të distancohet duke ulur pak dozën e energjisë.
Ledion: Gramos, në fillim u fute gjithë energji, por më pas nuk e di çfarë ndodhi. Ishe më i qetë, më pak protagonist, sikur fillove të ndërtosh disa raporte ty brenda. Si është të jetosh brenda ëndrrës që ti ke dashur ta jetosh për shumë vite.
Gramosi: Është padyshim një gjë shumë e bukur. S’e kisha imagjinuar ndonjëherë që do të kisha qenë pjesë e Big Brother, dhe për këtë u jam shumë mirënjohës dhe falenderues. Janë momente shumë të bukura që kurrë në jetë s’kam për ti harruar. Në fillim kam qenë shumë energjik, vazhdoj të jem i tillë edhe pse e kam ulur pak dozën. Mirëpo në shtëpi ka pasur shumë debate të ashpra ku nuk e shoh veten dhe për këtë po bëj një hap pas duke u munduar të gjej njërëz që më bëjnë të ndihem mirë.
Gramosi ka përlotur me rrëfimin e kryer në linjën e jetës, ndërsa theksoi se punonte deri më 16 orë në ditë, për të plotësuar kërkesat e familjarëve të tij. Si babai i një djali, ai foli gjatë gjithë kohës për vogëlushin, për të cilin e ka marrë malli.
“Bëja dy punë, punoja 16 orë, operator dhe taksist. E di që edhe bashkëshortja e ka pasur problem. Djalin e çoj shumë në çerdhe edhe nisi të sëmurej, e më pas vendosëm të qëndronte bashkëshortja në shtëpi për të mbajtur djalin. Ne nuk jemi një familje e pasur, as mami nuk punon. Vetëm babai…”, tha Gramosi i përlotur.
Më pas banori u surprizua nga bashkëshortja e tij shtatzënë, e cila i foli për djalin, Fronin, dhe familjarët. Ndërkohë, një emocion i rrallë për Gramosin ka qenë momenti kur ka mësuar gjininë e bebit, e cila është vajzë, ashtu sikurse ai dëshironte të ishte.
