Forcat RENEA, kanë gjetur dy armë zjarri në apartamentin ku u mbyll për disa orë një vajzë në zonën e Astirit, në kryeqytet.
E reja me iniciale S. Q., është gjetur nga efekivët e RENEA-s në banesë e vetme dhe në gjendje të rënduar psikologjike. Ata u futën në apartament me litarë nga tarraca, duke u zbritur në ballkonin e banesës ku e reja u mbyll. Behet me dije se vajza dyshohet se ka qenë me persona te tjerë në apartament, të cilët kishin marrë dy apartamente me qira Airbnb ngjitur me njëri-tjetrin. Dyshohet se personat e tjerë janë larguar. Kujtojmë se më herët policia raportoi se pasi kishin marrë denoncimin kishin mbërritur në vendngjarje dhe po negocionin me të renë, e cila refuzonte të hapte derën.
Sipas bluve, vajza me iniciale S. Q., ka njoftuar sallën operative se ndodhej brenda apartamentit duke pretenduar se është dhunuar nga disa persona.
“Menjeherë në vendngjarje kanë mbërritur sherbimet e Policisë, Grupi Hetimor, shërbimet zjarrëfikëse dhe po punojnë për zbardhjen e rrethanave të ngjarjes si dhe ofrimin e ndihmës së qytetares”, informon policia.
