Ndërsa Jeff Bezos dhe Lauren Sanchez nuk do të bëjnë një dasmë prej 600 milionë dollarësh në Aspen, të afërm të çiftit pretendojnë se ata mund të mos martohen në Aspen siç kishin në plan. Por a janë problem paratë? Prej tyre konfirmohen se shumë shpejt të ketë një dasmë prej 500 milionë dollarësh në jahtin, Koru, ku u fejuan, dhe në Itali.
Më 12 janar 1964 – Në Nju Meksiko, lindi Jeffrey Preston Jorgensen, i njohur sot si, Jeff Bezos; sipërmarrës dhe investitor, një nga dy njerëzit më të pasur aktualisht në botë.
Papritur miliarder
Jeff Bezos themeloi Amazon.com, fillimisht për shitje librash; më vonë për shumëllojshmëri mallrash, duke u bërë dyqani më i madh në World Wide Web (www), dhe model i shitjeve në internet.
Jeff Bezos bëri bujë më 2013, kur bleu gazetën Washington Post për 250 milionë dollarë. Por historia e tij bëhet edhe më interesante. Jeff lindi në Albuquerque, Nju Meksiko nga prindër adoleshentë, Jacklyn Gise dhe Ted Jorgensen, kur të dy ishin ende 17, 18 vjeçarë. Ata u martuan dhe pas dy vjetësh u ndanë. Kaluan edhe dy vjet të tjera dhe Jacklyn u martua me një emigrant politik kuban, Mike Bezos, dhe Jeff mori mbiemrin e njerkut, Bezos. Lidhjet me të atin biologjik u ndërprenë. Në vitin 2010, gazetari Brad Stone, i revistës Businessweek ne San Francisko vendosi të shkruajë një libër mbi jetën dhe karrierën e Jeff Bezos. Brad filloi kërkimet për të mësuar se çfarë kishte ndodhur me Ted Jorgensenin, prindi biologjik i Jeffit, ku ndodhej ai? Përfundisht, gazetari e gjeti Tedin në Glendale, një qytezë e largët në shtetin Arizona, ku ai kishte një dyqan biçiketash.
Gazetari shkoi nga Kalifornia për t’a intervistuar dhe pyetja e parë që i bëri ishte – A keni fëmijë? – Tedi i tha – Jo, kam pasur një djalë, por ka vdekur kur ishte i vogël. Gjatë viteve të ndarjes, Ted Jorgensen ishte interesuar për të birin, por emri Jeff Jorgensen nuk figuronte në asnjë vend. Dhe imagjinoni se çfarë ndjeu kur mësoi se Jeff Bezos, një nga miliarderët më të mëdhenj të Amerikës, ishte djali i tij.
Libri “The Everything Store: Jeff Bezos and the Age of Amazon” i autorit Brad Stone doli nga shtypi në tetor 2013. Disa të dhëna në libër janë kontestuar a kundërshtuar nga Jeff Bezos; megjithatë libri është në shitje në dyqanin internetik; amazon.com, drejtor ekzekutiv i të cilit është Jeff Bezos.
Themeluesi i Amazon, është një nga figurat më të njohura dhe të suksesshme të biznesit global.
Karriera e Jeff Bezos
I lindur më 12 janar 1964 në Albuquerque, New Mexico, Bezos u diplomua në Princeton në inxhinieri elektrike dhe informatikë. Pas disa viteve në Wall Street, ai themeloi Amazon në 1994, duke e nisur nga një dyqan i vogël librash online nga garazhi i tij në Seattle. Shumë shpejt, Amazon u zgjerua në një perandori globale të tregtisë elektronike dhe logjistikës, duke përfshirë gjithashtu Amazon Web Services (AWS), një burim i madh të ardhurash për kompaninë.
Jeta sentimentale e Bezos ka pasur disa kthesa të rëndësishme. Ai u martua me MacKenzie Scott, me të cilën kishte katër fëmijë, por ata u ndanë në vitin 2019. Pas divorcit, Bezos filloi një lidhje me gazetaren Lauren Sánchez. Pavarësisht jetës personale, Bezos ka investuar gjithashtu shumë në filantropi, duke themeluar Bezos Earth Fund për luftën kundër ndryshimeve klimatike dhe duke dhuruar miliarda dollarë për kauza sociale.
Një nga planet më ambicioze të Bezos është Blue Origin, kompania e tij e hapësirës, e cila ka për qëllim të bëjë udhëtimet në hapësirë më të përballueshme dhe të mundësojë kolonizimin e hapësirës. Në vitin 2021, Bezos vetë udhëhoqi një fluturim turistik me raketën New Shepard të Blue Origin.
Nga një garazh i vogël deri te një imperium global dhe ambicie për hapësirën, Jeff Bezos vazhdon të jetë një vizionar që ndikon në çdo aspekt të jetës moderne, nga teknologjia dhe tregtia deri te filantropia dhe eksplorimi i hapësirës.
Vlera neto e Jeff Bezos është një nga më të mëdhatë në botë, por ajo ndryshon vazhdimisht për shkak të lëvizjeve të aksioneve të Amazon dhe investimeve të tij të tjera. Si i pari i Amazon, vlera e tij neto është e lidhur ngushtësisht me çmimin e aksioneve të Amazon.
Në janar të vitit 2022, vlera neto e Jeff Bezos u llogarit rreth 177 miliardë dollarë sipas Forbes dhe Bloomberg, duke e renditur atë një nga dy njerëzit më të pasur në botë, pas Elon Musk (krijues i Tesla dhe SpaceX).
