Një ngjarje e rëndë ndodhi mbrëmjen e së dielës në Fier, ku një 40-vjeçar i identifikuar si Gledian Hoxhallari, u plagos me armë zjarri.
Plagosja u krye nga Klement Beqaj, 25 vjeç, i cili ishte në një lidhje me bashkëshorten e Gledianit, Melisa Belulin.
Në një rrëfim për emisionin “Me Zemër të Hapur”, babai i Klement Beqajt ka treguar se djali i tij dhe 29-vjeçarja ishin në një lidhje për rreth 6 muaj ose një vit.
Ai tregoi se e ka mësuar se gruaja ishte e martuar vetëm kohët e fundit dhe e ka kundërshtuar lidhjen e tyre fillimisht, por më pas është takuar me prindërit e 29-vjeçares dhe ka pranuar.
Babai i bëri një thirrje djalit të tij 25-vjeçar, i cili ndodhet në arrati që nga momenti i ngjarjes së rëndë, që të kthehet sa më shpejt.
“Nuk e di sa kohë kishte Klementi që jetonte me Melisën, 6 muaj ose 1 vit. Kohët e fundit e kam marrë vesh që ajo ishte e martuar. Kam folur me të ditën e ngjarjes. Nuk më tha asgjë për këtë. Vetëm më tha jam mirë, dhe kaq.
Mua më vjen shumë keq për atë që ka ndodhur. Nuk e kam idenë se ku mund të jetë tani. Unë i bëj thirrje të kthehet sa më shpejt. Në fillim nuk isha dakord për lidhjen e tyre, por pastaj fola me prindërit e saj”, u shpreh ai.
