Kryegjyshi Botëror, Shenjtëria e tij Haxhi Dede Edmond Brahimaj ka udhëtuar drejt Vatikanit, ku është pritur në selinë e shenjtë nga Papa Francesku.
Takimi tyre vjen në kuadër të 95-vjetorit të vendosjes së Kryegjyshatës Bektashiane në Shqipëri.
Burime për mediet bëjnëme dije se Papa i Vatikanit e ka cilësuar nismë mjaft të bukur krijimin e shtetit të ri Sovran Bektashi.
Po ashtu mësohet se ata kanë firmosur bashkarisht Dokumentin e Vëllazërimit Njerëzor. Ndërsa ky i fundit njihet ndryshe si Deklarata e Abu Dhabit, e cila u bë publike në vitin 2019 e që ka si qëllim vendosjen e paqes në botë.
Kujtojmë se kryeministri Edi Rama deklaroi në muajin shtator 2024 se do të ndërtojë një shtet të ri për bektashinjtë.
Qëllimi, sipas tij është promovimi i një version më tolerant të Islamit me të cilin krenohet Shqipëria.
