Skendër Pepkolaj, kolegu i punës së Edison Oruqit, i cili u gjet i mbytur në ujërat e lumit të Shalës tregon vendin se ku është mbytur babai i tre fëmijëve.
Ai tregoi edhe vendin ku pronari e la shokun e tij të punës, në një zonë të rrethuar në të gjitha anët nga uji.
“Tek ai zali përtej lumit ka pas vendin e punës, por nuk kalohet në këmbë, ka ujë, nuk ka rrugëdalje këmbësore, por varka nuk ka kalu dhe është detyru ta lejë në këtë zallin këtu, është i rrethuar me ujë nga të gjitha anët. Vetëm ky shteg kalimi është, i cili ka qenë i pa kalueshëm në këmbë, këto janë dyshimet se është përpjekur të hyjë në ujë dhe mund ta ketë marrë rrjedha, personi që ka qenë këtu, ka thënë se ka lënë në këtë zall”, tha Pepkolaj për Top Channel.
