Një aksident tragjik ka ndodhur në Toronto, Kanada, ku 25-vjeçarja shqiptare e quajtur Agnesa Shukulli, ka humbur jetën.
Sipas informacioneve, më 20 janar 2025 makina ku ajo udhëtonte me bashkëjetuesin e saj shkodran përfundoi në Liqenin e ngrirë të Ontarios, pranë Lakeshore Boulevard East.
Fatkeqësisht, pavarësisht përpjekjeve të mjekëve për t’i shpëtuar jetën, Agnesa nuk ka mundur të mbijetojë, ndërsa partneri i saj gjithashtu ka humbur jetën.
E reja shqiptare kishte mbërritur në Kanada në nëntor të vitit 2021 për t’iu bashkuar motrës së saj, Anxhelës, si dhe për të ndërtuar një të ardhme më të mirë.
Në këto momente familja e saj po përjeton dhimbjen e thellë të humbjes së njeriut të shtrenjtë, ndërsa përballen edhe me sfidën financiare të kthimit të trupit të Agnesës në Shqipëri, për t’u prehur në paqe në vendlindje.
Familjarët kanë hapur një “go fund” për të mbledhur të ardhura për kthimin e së ndjerës në atdhe.
