Është zbuluar përmbajtja e plotë e letrës së ish-presidentit Joe Biden që i ka lënë Presidentit Trump në Zyrën Ovale.
“I dashur President Trump, ndërsa largohem nga kjo zyrë e shenjtë, ju uroj ju dhe familjen tuaj çdo të mirë në katër vitet e ardhshme. Populli amerikan – dhe njerëzit anembanë botës – kërkojnë nga kjo shtëpi qëndrueshmëri në stuhitë e pashmangshme të historisë dhe lutja ime është që në vitet e ardhshme të jetë një kohë prosperiteti, dhe paqeje për kombin tonë.
Zoti ju bekoftë dhe ju udhëzoftë ashtu siç e ka bekuar dhe udhëhequr vendin tonë të dashur që nga themelimi ynë”, thuhet në letrën e marrë nga Fox News.
Letra u nënshkrua, “Joe Biden 1-20-25”.
Trump e gjeti letrën në sirtarin e tavolinës së Zyrës Ovale të hënën dhe tha të martën se shënimi ishte “i bukur”.
