Një gol i kapitenit Lautaro Martinez i shënuar në minutën e 12-të, i ka mjaftuar Interit, për të dalë me 3 pikë nga fusha e Spartës së Pragës, duke hedhur një hap të sigurt drejt kualifikimit për në fazën e 1/8-ve.
Titullarë në këtë duel u aktivizuan dy mesfushorët shqiptarë, Qazim Laçi dhe Kristjan Asllani të cilët realizuan paraqitje dinjitoze, ndërkohë që nga stoli u aktivizua dhe sulmuesi shqiptar i Kosovës, Ermal Krasniqi. Në 7 duele të luajtura Interi ka siguruar 16 pikë, teksa duelin e fundit do ta luajnë në shtëpi ndaj Monakos.
FT: SPARTA PRAGA – INTER 0-1
L.Martinez 12′
