Pak para nisjes së spektaklit të mbrëmjes, tensionet mes dy banoreve të Big Brother VIP Albania, Valbonës dhe Gertës, kanë arritur kulmin.
Gjatë përgatitjeve për natën e madhe, Valbona lëshoi një koment ofendues, duke përfshirë dhe motrën e Gertës, Oltën.
Ajo iu drejtua Gertës me fjalët: “O superleckë, shko rregullohu me motrën njëherë. Ty s’të flet motra, imagjino”.
Reagimi i Gertës ishte i menjëhershëm dhe i ashpër, ndërsa mbrojti motrën e saj me forcë, duke deklaruar:
“Motra ime është yll. Motrën e kam zemër, e kam shpirt. Harroje se më prek te motra, sepse atë e kam një të vetme. Gjithë ditën fol po deshe”.
Ky debat ka tërhequr vëmendjen e banorëve të tjerë dhe ka krijuar një atmosferë të tensionuar mes dy protagonisteve, e cila duket se po bëhet gjithnjë e më e ndezur. Mbetet për t’u parë nëse konflikti do të qetësohet apo do të eskalojë më tej në ditët që vijnë.
