Policia e Kosovës jep detaje për aksidentin e rëndë me tre viktima që ndodhi mbrëmjen e sotme në rrugën rajonale Mitrovicë-Pejë, në fshatin Çubrel të Skenderajt. Mësohet se në aksident janë përfshirë dy automjete, njëri prej tyre makinë e policisë, në të cilën udhëtonin katër efektivë. Personat që kanë humbur jetën janë persona civil, njofton policia. Ndërsa të plagosur mbetën 5 persona, ku katër prej tyre janë zyrtarë policie. “Lidhur me rastin janë njoftuar institucionet kompetente, IPK-ja dhe Prokurori kompetent të cilët pritet të dalin në vendin e ngjarjes”, thuhet në njoftim.
Njoftimi i plotë i policisë:
Sonte rreth orës 18:40, është raportuar për aksident trafiku me pasoja fatale, i cili ka ndodhur në rrugën rajonale Mitrovicë-Pejë, segmenti rrugor në fshatin Çubrel të Skenderajt.
Në këtë aksident janë përfshira dy vetura, njëra prej tyre veturë zyrtare e policisë.
Si pasojë e aksidentit, bazuar në informacionet e siguruara kanë humbur jetën tre persona civil, përderisa lëndime kanë pësuar edhe pesë persona tjerë, katër prej tyre zyrtarë policor.
Njësitë policore dhe stafi menaxhues kanë dalur në vendin e ngjarjes, ndërsa për hetimet dhe shkaqet e aksidentit po merren hetuesit e njësitit rajonal të trafikut rrugor.
Lidhur me rastin janë njoftuar institucionet kompetente, IPK-ja dhe Prokurori kompetent të cilët pritet të dalin në vendin e ngjarjes.
