Kryetarja e Kuvendit dhe drejtuese politike e Partisë Socialiste e qarkut Tiranë, Elisa Spiropali, e shoqëruar nga deputetë dhe kryetarë bashkish, zhvilloi sot një takim me komitetin e emigrantëve shqiptarë në Selanik
Në fjalën e saj, kryeparlamentarja u shpreh se mandati i 4 i PS dhe kryeministrit Rama do të jetë për të ngritur flamurin kuq e zi në zemër të Evropës.
Elisa Spiropali u shpreh se socialistët i kthyem diasporës ‘një borxh të vonuar që politika ka pasur ndaj jush dhe kjo është vetëm një nga krenaritë e shumta që duam të ndajmë me njëri-tjetrin, motra e vëllezër, në këtë takim të përbashkët mes nesh’.
Ajo i bëri thirrje që të regjistrohen dhe më 11 maj të dëshmojnë vullnetin e tyre sesi duhet të qeveriset Shqipëria në katër vitet e ardhshëm.
“Partia Socialiste dhe Shqipëria u janë mirënjohës për mbështetjen nga këtu të fushatave tona zgjedhore dhe ardhjen në Shqipëri për të votuar. T’i japim Edi Ramës mundësinë për ta kthyer Shqipërinë nē sofrën e vet europiane, dhe ta ngremë bashkē flamurin tonē kuqezi në zemër të Europës. Tashmë, me ndryshimet në ligjin zgjedhor, është krijuar mundësia të votoni prej nga vendet ku jetoni”, tha Spiropali.
“Ditë e bukur dhe frymëzuese sot në Selanik, falë mikpritjes fantastike të bashkëkombasve. Bashke vetem perpara. Krenar per Shqiperine“. Keshtu do te shkruante drejtuesja politike e PS per qarkun Tirane dhe kryetarja e Parlamentit pas takimit ne Selanik teksa do te publikonte fotot me qytetaret shqiptare qe punojne dhe jetojne atje e shoqeruar dhe nga depujetja dhe ish paraardhesja e saj Lindita Nikolla si dhe kryetari i Bashkise Kamez Rakip Suli.
