Java e misioneve sekrete kjo në Big Brother, ndërsa krahas G Banit edhe Laerti ka pasur ‘detyrë’ nga Vëllai i Madh; t’u tregojë banorëve histori sureale, nga më të çuditshme.
Duke marrë parasysh profesionin dhe natyrën kontraverse të aktorit, Laerti ia ka dalë më së miri të realizojë një performancë të përkryer dhe në fund të bindë banorët me historitë që u ka rrëfyer.
Një nga këto histori që ndezi debat e ngjalli reagime ishte edhe ajo se Klajdi e ka ngacmuar në krevat. Këtë bisedë banori e bëri me Valbonën, nga aty thashethemi mori rrugën duke përfunduar te Gerti dhe nga aty ky i fundit shkoi në dhomën e rrëfimit për të thënë se Laerti është biseksual.
“Është bi, po po është bi i deklaruar…”– u shpreh Gerti.
Në një kundërpërgjigje gjatë Primes, Laeti u shpreh: Ç’të të them domethënë, ky vazhdon të jetë në një konstante të absenimit mendor. Ky njeri duhet të gjejë një jetë të vetën. E kuptoj se ka deklaruar se ka ardhur të merret me Laert Vasilin. Mamas time duhet ti them “mos beso ato që thonë, ti e di mirë kush jam”. Shpeshherë djalli për të arritur qëllimet e tij citon biblën. Ky njeri që nuk ka një lojë të vetën, por ka hyrë këtu brenda për ti rënë Laert Vasilit dhe Rozana Radit, nga goja e tij kemi dëgjuar; ju shpëlaftë mortja, ju mbuloftë dheu, vdekshi ishalla, plaku Mere, hallë Hesmaja, o merhum…
Nuk e di, ngaqë ne bëmë një takim të enjten për të mos kaluar cakun, unë i uroj të ketë sa më shumë oreks dhe ju bëftë pushka top se Laert Vasili kur nuk u tremb nga neonazistët, nuk do të trembet nga një person që sajon gjëra të paqëna vetëm dhe vetëm për të bërë sensacion.
Me fitoren e misionit të fshehtë, si shpërblim nga Vëllai i Madh i dha Laertit të drejtën për të darkuar me një person që ai dëshiron.
Aktori shfrytëzoi mundësinë për të bërë të lumtur Valbonën, duke e ftuar atë për darkë mbrëmjen e 30 janarit, ditën e ditëlindjes së saj.
