Disa ditë më parë, pikërisht në Ditën e Shën Valentinit, ndërroi jetë në aksident automobilistik Megi Xhetani, e cila së bashku me partnerin po shkonte në Pogradec.
Në lidhje me këtë lajm tragjik, kanë reaguar edhe pedagogët e saj në degën e Gjuhë Letërsisë në Tiranë. Pedagogia Elsa Skënderi shprehet se apelit për emrin, shokët dhe shoqet e klasës iu përgjigjën se Megi nuk është.
“Në këtë sallë provimi duhej të ishte sot edhe Megi Xhetani, e reja që humbi jetën në aksident disa ditë më parë.
Jeta është kaq e padrejtë dhe e hidhur ndonjëherë! Po shpresoja të mos ishte i vërtetë lajmi që dëgjova. Por apelit të emrave shokët e shoqet e grupit iu përgjigjën me zë të mekur. Megi s’është…
Një lutje për shpirtin tënd të bardhë, Megi”, tha ajo.
Ndërsa, pedagogia Lili Sula deklaron se është e tronditur nga ky lajm i trishtë.
“E tronditur e pa fjalë për shuarjen e jetës në moshë kaq të re të Megit, studentes sime që spakaste për qetësi, kulturë qytetare dhe përkushtim për dije.
“Arsimi shqiptar jeton në bilance lufte; përgjakje në ngjarje konfliktesh, aksidentesh rrugore, vrasjesh e vetëvrasjesh të vijueshme, duke shënuar rekordet më të zeza të historisë së tij.
Dhimbje e pikëllim i madh për të shtrenjtët e familjarët e Megit, për shokët e shoqet si dhe për pedagogët e të gjithë ata që e njohën studenten shembullore të Gjuhës Shqipe dhe të Letërsisë.
U shua Megi për një çast në aksident rrugor e mori krahë të dëlirë përjetësie në amëshim.
Qofsh në lëndina Parajse Megi Xhetani e ndritsh terrin e këtushëm me shpirtin tënd të bardhë🙏🏻
Shpirtërisht jam pranë familjarëve së saj e lutem që të gjejnë forcë të përballojë dhimbjen e pamasë të ikjes pa kthim të bijës së tyre”, shkruan pedagogia Sula.
