Një aksident u regjistrua në orët e para të mëngjesit të së mërkurës në aksin Korçë-Kapshticë, ku një makinë përplasi një person për vdekje.
Ngjarja ka ndodhur në fshatin Nevicisht dhe sipas të dhënave paraprake personi ka dalë me kalë nga rruga dytësore e fshatit në aksin nacional.
Në momentin që ka dalë në mes të rrugës kafsha është trembur dhe është kthyer pas duke i dalë para një automjeti që po kalonte aty ndërsa si pasojë e përplasjes personi ka gjetur vdekjen e menjëhershme.
Viktima është shtetasi Hekuran Ramo, ndërsa është shoqëruar në polici drejtuesi i mjetit të përfshirë në aksident. Ndërkohë që kanë nisur hetimet për zbardhjen e shkakut të aksidentit.
“Më datë 23.09.2020, rreth orës 05:35, në aksin rrugor Korçë-Bilisht, në afërsi të fshatit Neviçisht, ka ndodhur një aksident, ku për pasojë shtetasi E. G., 27 vjeç, banues në fshatin Pojan, duke drejtuar mjetin tip “Volksëagen”, ka përplasur shtetasin H. R., rreth 70 vjeç, banues në fshatin Neviçisht, që lëvizte në rrugë me kalë, i cili ka gjetur vdekjen.
Drejtuesi i mjetit shtetasi E. G., u dërgua në Spital për kontroll mjekësor, me të cilin do të kryen veprimet e mëtejshme proceduriale”, thuhet në njoftimin e policisë.
