Një punëtor 48-vjeçar shqiptar, banues në Bergamo, u arrestua nga policia pasi në apartamentin e tij u gjet një sasi e konsiderueshme lëndë narkotike e lloji heroinë.
Mediat italiane bëjnë me dije se shqiptari pa precedentë të mëparshëm, u kap me 21 kg drogë, e cila u gjet në një apartament në Sardegna në Milano.
Të premten pasdite, agjentët e patrullës pikasën burrin që qëndronte me një furgon brenda në Tiepolo. Një burrë hyri për pak kohë në automjet dhe më pas hyri në një ndërtesë dhe humbi gjurmët e tij. Më pas agjentët kontrolluan shoferin e furgonit, i cili ishte ulur në vendin e shoferit dhe kishte ende një qese me 10 gram kokainë.
Ai i tha policisë se e kishte për përdorim personal, por duke marrë parasysh sasinë, oficerët bënë kontrolle të tjera dhe i gjetën një sërë çelësash për të cilët ai nuk donte të thoshte asgjë.
Ekipi megjithatë, nuk u ndal duke ushtruar kontrolle në akomodimin në Sardegna ku u gjet një qese me 43 pako heroine për një peshë totale prej rreth 21 kg.
Gjithashtu u gjetën 2.5 kg substancë prerëse, material paketimi, shtypës dhe 5,000 euro. Burri u dërgua në burg në “San Vittore”. /S.Ll/
