Të tjera detaje kanë dalë në dritë nga ekzekutimi i biznesmenit Niko Goro mëngjesin e sotëm në Himarë.
Autori, 53-vjeçari Kliti Leka, është me profesion elektricist, ndërsa dyshohet se shkak i ngjarjes është bërë një borxh që biznesmeni i kishte atij.
Leka i kishte bërë rrjetin elektrik në pallatin e ndërtuar nga Niko Goro, por ky i fundit nuk e ka paguar për punën e bërë.
Para uniformave blu Leka e ka pranuar autorësinë e krimit.
Një tjetër pistë që po hetohet për ekzekutimin e biznesmenit në Himarë është edhe konflikti për pronën, pasi Kliti Leka është nipi i pronarit të tokës ku Niko Goro kishte ndërtuar pallatin.
