E gjithë Franca, por jo vetëm, u trondit nga sulmi me thikë në kishë, që i mori jetën tre personave, ndërsa mbetën të plagosur shumë të tjerë.
Sulmi është cilësuar terrorist, ndërsa autori i dyshuar është një emigrant nga Tunizia, i cili u fut në kishë me thikë në dorë, duke thirrur “Allah Akbar”.
Viktimë të sulmit barbarë mbetën dy gra dhe një burrë. Ndërkohë, anëtarja e Senatit francez, Jelle Garriaud-Maylam, ka zbuluar edhe fjalët e fundit të njërës prej viktimave.
“’I thoni fëmijëve të mi që i dua’, këtu ishin fjalët e fundit të gruas që u vra në orët e para të mëngjesit në qytetin francez Nicë, e cila arriti t’i thotë ato para se të humbte jetën”, shkruan ajo në Instagram.
