Pesë persona kanë mbetur të plagosur në një aksident që ka ndodhur paraditen e sotme në fshatin Pajovë të Peqinit.
Gazetari i Panorama, Aldo Kozarja, i cili ka siguruar edhe pamjet e para nga vendi i ngjarjes, mësohet se të plagosur kanë mbetur dy burra dhe tre femra.
Të gjithë të lënduarit janë dërguar në spitalin rajonal të Elbasanit.
Mësohet se dy prej tyre ndodhen në gjendje të rëndë shëndetësore.
Policia e mbërritur në vendin e ngjarjes ka nisur hetimet për shkaqet dhe rrethanat e aksidentit.
