Edhe Partia për Europianizim e Integrim firmos marrëveshjen me PD për largimin e Ramës dhe zgjedhje të lira

Partia Demokratike ka mbyllur sot firmosjen e marrëveshjes me 9 parti të spektrit opozitar. Në orët e vona të pasdites kryetari Basha firmosi  për krijimin e koalicionit opozitar dhe me Partinë për Europianizim e Integrim me kryetar Rivelino Çuno. Kjo parti deri më tani është shprehur qartë që mbështet kauzën opozitare dhe ështe krah PD dhe spektrit të partive të tjera të opozitës për largimin e kryeministrit Rama dhe krijimin e  kushteve për zgjedhje të lira dhe të ndershme
Më herët PD dhe kryetari Basha mundësoi firmosjen e marrëveshjeve me parti të tjera opozitare për krijimin e një koalicioni që synon garantimin e zgjedhjeve të lira e të ndershme. Deri në mesditën e së martës, Koalicionit Opozitar iu bashkuan 8 parti: PR, PAA, PBDNJ, PDK, LZHK, PLL, PDIU dhe LSI si dhe pasdite Partia për Europianizim e Integrim.