Moderatori i njohur i Top Channel, Edi Manushi, ka dalë pozitiv me Covid-19. Lajmin e ka bërë të ditur një prej kolegëve të tij, gazetari Bledi Mane, ku bashkë janë pjesë e rubrikës “Rrethi Katror” në “E Diell”.
Sipas Manes, Manushi ka një gjendje të mirë shëndetësore dhe kjo nuk do ta ndalojë Manushi që të drejtojë programin e njohur Procesi Sportiv sot në Top Channel.
“Producenti dhe prezantuesi televiziv Ed Manushi pas simptomave dhe bërjes së tamponit, rezultoi pozitiv këtë pasdite. Gjithësesi gjendja e tij shëndetësore paraqitet normale dhe në darkë programin e njohur ” Procesi Sportiv” në Top Channel do e moderojë virtualiaht nga banesa e tij,” shkruan Mane në Facebook.
