Nga Tom Therçaj
12 artistë të penelit kanë sjellë në Muzeun Historik Kombëtar në Tiranë 60 peisazhe të realizuara kryesisht në gjirin e natyrës.
Tradita e krijuar nga artistët e pleinerit për të prezantuar veprat e tyre më të mira në fund të vitit, nuk u prish nga kërcënimi i pandemisë.
Kjo është ekspozita e tyre e gjashtë. Pjesa më e madhe e punëve janë realizuar gjatë verës dhe vjeshtë së këtij viti, ku artistët në grupe të vogla fiksuan peisazhet e bukura të këtyre stinëve direkt në natyrë duke ruajtur traditën e pleinerit.
Kjo veprimtari u realizua pas tri ekspozitave virtuale si Pranvera nepërmjet dritares time,
Ti amo italia, (të dua itali,) që pleineristët e realizuan për tu solidarizuar dhe mbështetur popullin italian në kulmin e pandemisë duke ekspozuar pikturat e tyre të realizuara gjatë udhëtimeve në Itali dhe e treta: Peisazhet e vendit tim.
Artistët e pleinerit duan të krijojnë një mundesi të shtuar për të sjellë normalitetin edhe nëpermjet aritit.
