Presidenti Ilir Meta i është përgjigjur thirrjes së partive të vogla, për të zhvilluar një tryezë dialogu. Kreu i Shtetit do të zhvillojë një takim me krerët e partive të vogla, PR, PDK, PBDNJ, LZHK dhe PPA-së, ditën e martë në orën 11:00.
Ditën e djeshme, në përfundim të takimit me Ambasadorin e BE në Tiranë, Luigi Soreca, ishte kryetari i PR-së, Fatmir Mediu ai i cili, në një deklaratë të shkurtër për shtyp, i bëri thirrje Presidentit Meta të thërrasë tryezën e partive politike për të parë nëse janë plotësuar kushtet për zgjedhje të lira të ndershme.
