Indrit Hoxha, kandidati i 35-të i listës së Partisë Demokratike në Tiranë, ka dorëzuar në KQZ formularin e dekriminalizimit, duke i hapur rrugë marrjes së mandatit. Këtë vendim ai e kishte paralajmëruar prej disa ditësh.
Mirëpo ai qe treguar mjaf kritik me Myslim Murrizin kur rrefuzoi të dorëzonte mandatin e deputetit.
“Myslymin e ka marrë në tel dora vetë Donald Trump mos ta dorëzojë mandatin,flitet që do nisi dhe një tur takimesh me Macron,Merkel për moslënien e mandatit,”- shkruante Hoxha në postimin e tij në Facebook.
Indrit Hoxha vjen nga radhët e Forumit Rinor të Partisë Demokratike, ku ka mbajtur edhe postin e Sekretarit për Burime Njerëzore. Në CV-në e tij shkruan se ka qenë edhe nëpunës në administratë.
Në formularin e dekriminalizimit të dorëzuar në KQZ ai shkruan se është shoqëruar dy herë në Komisariatet e Policisë së Tiranës, ndërsa një herë është arrestuar me akuzën e “Shkatërrimit të pronës”.
