Policia italiane ka shkatërruar një rrjet prostitucioni i drejtuar nga një grup shqiptarësh.
Karabinierët e Isola kanë vënë në pranga 3 shtetatas shqiptarë, dy burra dhe një grua si edhe një shtetas italiane si krerët e këtij rrjeti prostitucioni. Grupi vepronte në sheshet e Isola, Costigliole, Vigliano, Agliano, Monticello d’Alba dhe Alba.
Rrjeti u zbulua pasi një prostitutë shqiptare u sulmua fizikisht nga krerët, duke treguar mavijosje dhe dëmtime në këmbë, kyçe dhe kokë. Vajza tha se u sulmua nga dy bashkatdhetarë, të cilët e rrahën atë me stolin në të cilin ajo ishte ulur duke pritur për klientët.
Ata gjithashtu i kishin marrë celularin dhe e kishin lënë në mes të rrugët.
Në krye të bandës janë dy vëllezër shqiptarë. Ata ishin menaxherët e grupit të vajzave që jetonin së bashku në një apartament në qendër të Asti me dy gra që prostituuan dhe ndihmuan vëllezërit në kontrollimin e “kolegëve” të tjera.
Pastaj është italiani, 73-vjeçari U. C, banues në Alba, me një rekord të pastër, i cili luante rolin e “shoferit të taksisë” për bandën, duke shoqëruar vajzat në fushat e caktuara për ta, në të cilat prisnin klientët.
Të dy vëllezërit janë në burgjet e Asti dhe Alessandria në pritje të marrjes në pyetje para magjistratit. Gjatë kontrolleve, u gjetën para, të cilat besohet se ishin pjesë e të ardhurave të vjedhura nga vajzat.
