Zbardhen detaje të reja nga dosja e Prokurorisë së Tiranës mbi sekuestrimin e pasurive të familjarëve të Devi Kasmit, i vrarë në janar të vitit 2018.
Gazetarja Klodiana Lala raporton për “BalkanWeb” se Organi i Akuzës ka sekuestruar pasuri me vlerë 10 milionë euro, ku pasuritë kryesore rezulton në emër të bashkëshortes së Devi Kasmit, Ereda Selimi, por edhe të familjarëve të tjerë, si nëna dhe të afërm. Hetimet nga Prokuroria nisën pas vrasjes së Kasmit, pasi kishte dyshime se bashkëshortja e tij kishte kryer pastrim parash.
Gjithashtu, pas vrasjes së Kasmit, në banesën e tij janë sekuestruar kokainë dhe heroinë. Pastaj, u konfirmua se ai drejtonte një bandë të drogërave të forta, me bazë në Milano, anëtar i së cilës ishte dhe kunati i Kasmit, Olsi Shehu.
Nga hetimet, ka rezultuar se Devi Kasmi jo vetëm drejtonte një grup të struktura kriminal në Milano, por kishte bërë shtrirjen e tij edhe në Shqipëri, ku trafikonte kryesisht kokainë dhe heroinë.
