Kreu i PD, Lulzim Basha i ftuar në emisionin ”Zonë e Lirë” të Arjan Çanit ka folur për zgjedhjet e së dielës duke garantuar se ndryshimi tashmë është i pandalshëm.
Sipas Bashës nuk mund të vijohet edhe 4 vite me Ramën, teksa shton se 25 prilli nukës htë i partive, por i shqiptarëve.
Për Bashën, qytetarëve i është rikthyer shpresa, dhe të dielën ripërsërit se do të jetë pjesëmarrja më masive në historinë e zgjedhjeve shqiptare.
PYETJA: Unë jam i pandalshëm sepse pas 8 vjetësh me Edi Ramën në krye të qeverisë Partia Demokratike ka radhën të qeverisë tani më shumë se kurrë. Po apo jo?
Lulzim Basha: Ndryshimi është i pandalshme sepse shqiptarët nuk munden më të vazhdojnë me 4 vite të tjera si këto 8 që kaluan dhe kanë vendosur t’i hapin rrugën ekonomisë të zhvilluar, Shqipërisë anëtare të Bashkimit Europian.
Ajo që do të ndodhë me 25 prill nuk është e partive, është e shqiptarëve, është e familjeve të tyre, për fëmijët e tyre prandaj është e pandalshme sepse Shqipëria, më 25prill Shqipëria do të vendosë për një jetë më të mirë për familjet, për fëmijët dhe për veten e tyre.
Njerëzve ju është kthyer shpresa. Të dielën do kemi pjesmarrjen më të madhe në historinë tonë.
