Ditën e nesërme, 9 maj 2019, do të mbërrijë në Shqipëri trupi i nëntetares 32-vjeçare, Zarife Hasanaj që ndërroi jetë pas një shpërthimi në bazën Adaze, në Letoni.
Në orën 12.45 në bazën ajrore të Farkës do të organizohet ceremonia e pritjes së trupit të pajetë të nëntetares.
Ndërkohë, të premten, 10 Maj, ora 10 – 11.30 në hollin e Pallatit të Kongreseve do të zhvillohen homazhet për nder të efektives së FA dhe në 11.45 – 12.30 ceremonia shteterore me pjesëmarrjen e përfaqësuesve të lartë të shtetit, po te Pallati i Kongresese.
Sot ishte në Letoni edhe ministrja e Mbrojtjes, Olta Xhaçka, e cila takoi ushtarakët shqiptarë që po marrin pjesë në trajnim.
