Një aksident tragjik ka ndodhur afër St.Pölten të Austrisë, ku raportohet se janë përplasur dy makina.
Sipas mediave të huaja nga aksidenti kanë humbur jetën dy shqiptarë, emrat e të cilëve nuk bëhen të ditur.
Sipas policisë, aksidenti ndodhi pasi dy makinat u përplasën “kokë më kokë” me njëra tjetrën, ndërsa raportohet se njëra prej tyre po lëvizte në krahun e gabuar.
Sipas policisë austriake, një makinë me shtetas rumunë ka goditur automjetin ku ndodheshin 4 shqiptarë, duke lënë të vdekur dy prej tyre.
Nga aksidenti kanë mbetur të plagosur edhe tre shtetas rumunë, të cilët ndodheshin në automjetin tjetër.
