Konflikti mes Izraelit dhe Palestinës ka hyrë në një moment shumë delikat, sa për shumë studiues dhe historianë një përshkallëzim i tillë nuk ishte shënuar që prej përplasjeve të 2008-2009 dhe luftës një mujore në 2014.
Gjatë mesnatës së 13 majit, mbi 160 avionë të ushtrisë izraelite ndërmorën një mision bombardimi që zgjati 40 minuta ndaj pozicioneve të Hamasit dhe ku u shkaktuan shumë viktima dhe dëmet më të mëdha në përplasjet disa ditore.
Sipas raportimeve gjatë këtyre bombardimeve u hodhën më shumë se 1000 raketa dhe me shumë mundësi kjo ngjarje do të hyjë në histori me emrin “nata e 100 raketave”.
Izraeli ka marrë masa shumë të forta gjatë orëve të fundit dhe për këtë arsye ka thërritur nën armë 9000 ushtarë rezervistë për të qenë në gatishmëri.
