Presidenti i Shqipërisë, Ilir Meta do të mbajë sot konferencën e parë për shtyp pas zgjedhjeve të 25 prillit.
Meta prej më shumë se 1 muaji nuk zhvillon asnjë konferencë teksa sot do të dalë për herë të parë edhe pas shkarkimit nga Kuvendi dy ditë më parë.
Në orën 13:00 Presidenca ka paralajmëuar një bashkëbisedim të Metës me gazetarët.
Para zgjedhjeve, Presidenti Meta intensifikoi konferencat për shtyp gjatë fushatës ndërkohë që Kuvendi në nismën për shkarkimin e tij e cilësoi këtë si përfshirje të tij duke e akuzuar për shkelje në postin që mban.
Pavarësisht se Kuvendi miratoi shkarkimin e tij, ‘fjalën e fundit’ e thotë Gjykata Kushtetuese.
NJOFTIMI NGA PRESIDENCA
Rikthehen konferencat per medias te se premtes.
Sot Presidenti Meta ne bashkebisedim me gazetaret ne ora 13:00, ne Institucionin e Presidentit
