Kryetari i Partisë Demokratike, Lulzim Basha ka hedhur akuza për disa nga kandidatët e Partisë Socialiste por edhe të Bindjes Demokratike, që i konsideroi si vrasës me pagesë. Basha shtoi se kandidati i Bindjes Demokratike në Kukës, Abedin Uruci është një vrasës me pagesë.
“Në fakt për shumicën e tyre provat kanë dalë dhe janë bërë publike, pavarësisht në disa raste disa media i shërbejnë amnezisë. Kjo është një thirrje të nxjerrin arkivin dhe ti marrin me radhë se kush janë këta kandidatë. Vrasës me pagesë si Abedin Uruci, të jemi në këtë betejë aq sa mundemi. Sa të mundeni hapni arkivin se këta janë të denoncuar me emër dhe mbiemër tash e pesë vite” – tha Basha.
