Teksa vendi ynë vijon të jetë nën ndikimin e masave të nxehta ajrore me origjinë afrikane, Instituti i Gjeoshkencave, Energjisë, Ujit dhe Mjedisit paralajmëron se edhe ditën e sotme dhe të nesërme ka rrezik të lartë për zjarret në pyje konkretisht në qarkun Kukës (Vl) dhe në qarkun Dibër (Vp).
ZJARRET NË PYJE
Sot pasdite (e premte dt.13) dhe nesër (e shtunë dt.14) pritet nivel “I LARTË” rreziku në shumicën e qarqeve dhe nivel “I MODERUAR’’ rreziku në qarqet Kukës dhe Dibër (siç tregohet në tabelë, respektivisht për secilin qark).
Në zona të lokalizuara pritet rrezik “I LARTË”, konkretisht: Kukës (Vl) dhe Dibër (Vp).
Rreziku pritet të jetë më i lartë ditën e nesërme.
RESHJET
Sot pasdite (e premte dt.13) dhe nesër (e shtunë dt.14) nuk priten reshje në të gjitha qarqet (siç tregohet në tabelë, respektivisht për secilin qark).
TEMPERATURAT
Nesër (e shtunë dt.14) temperaturat minimale dhe maksimale të ajrit pritet të arrijnë:
në bregdet: 24 / 37 °C
në vendet e ulëta: 21 / 37 °C
në vendet malore: 16 / 32°C
Era
Sot pasdite (e premte dt.13) dhe nesër (e shtunë dt.14) era pritet të fryjë e lehtë.
