Gazetari Blendi Fevziu ka reaguar pas zjarrit që përfshiu Sarajet e Toptanëve në Tiranë mbrëmjen e djeshme (16 gusht).
Përmes një postimi në rrjete sociale, Fevziu thotë se djegia do të ishte një katastrofë për trashëgiminë kulturore dhe historike të Tiranës.
Sipas tij, shkatërrimi natën është një metodë e njohur për shkatërrimin e monumenteve të kulturës, duke sjellë në vëmendjen dhe vendimin e Stambollit të vjetër që ka ndaluar ndërtimin e monumenteve në ato zona ku zjarri apo dora e njeriut mund ta prekë.
Gazetari Blendi Fevziu ka sjellë gjithashtu në vëmendje dhe pak histori që mbajnë Sarajet e cila mendohet të jetë ndërtuar në vitin 1840. Ajo ka shërbyer si godinë për vendosjen e ambasadës së parë të SHBA-së.
Postimi i plotë:
Godina e njohur si Sarajet, ne qender te Tiranes, eshte nje nga 10 godinat me te vjetra dhe padyshim nder me te rendesishmet ne Kryeqytet dhe ne Shqiperi. Mendohet se eshte ndertuar ne vitet 1830 – 1840 nga Abdi bej Toptani (1785 – 1862), djali i Kapllan Pashe Toptanit, varri i te cilit ndodhet ne qender te qytetit. Abdi beu ishte martuar me vajzen e Bushatllinjvete Shkodres. Sarajet kane arkitekture tipike orientale dhe gati 32 dhoma. Aty lindi, u rri dhe nderroi jete Abdi Bej Toptani, nipi, luftetar antiosman, firmetar i Deklarates se Pavaresise ne Vlore, Ministri i Pare i Financave ne historine e shtetit shqiptar, ne qeverine e Ismail Qemalit dhe anetar i Keshillit te Nalte ne vitet 1920 – 1922.
Aty u vendos Ambasada e pare e SHBA ne vitet 1925 – 1929. Me poshte po postoj dy foto te vitit 1920 per te pare si dukej nga jashte dhe si ishte e mobiluar nga brenda. Plus dy foto te zjarrit te mbremshem. Djegia e saj do ishte nje katastrofe per trashegimine kulturore dhe historike te Tiranes e gjithe Shqiperise. Djegia apo shkaterrimi naten eshte nje nga metodat e zakonshme per te nxjerre jashte funksionit monumentet e kultures. Stambolli i vjeter qe e vuajti kete metode e zgjidhi duke ndaluar perjete ndertimin aty ku zjarri ose dora e njeriut shkaterron nje monument kulture. Tirana ka pesuar mjaft shkaterrime te monumenteve te kultures dhe historise keto 30 vjet. Ndaj duhet ndalur urgjent rrenimi i metejshem i tyre.
