Berat Gjimshiti është një nga shtyllat e kombëtares kuqezi. Mbrojtësi e tregoi këtë jo vetëm në fitoren e mbrëmjes së të dielës ndaj Hungarisë, por edhe ndaj Polonisë, ku Shqipëria u mund 4-1, ishte një nga të vetmit që tregoi vlerat e tij.
Për ndeshjen ndaj Hungarisë, e cila u vendos me golin e vetëm të shënuar nga Armando Broja, Gjimshiti ishte më i vlerësuari, me notën 7,9.
Kjo paraqitje nuk ka mbetur pa rënë në sy edhe të UEFA-s, e cila e ka vendosur shqiptarin në formacionin më të mirë të ndeshjeve të fundit eliminatore.
Gjimshiti është rreshtuar mes emrave të njohur si Bale e Depay.
